(ភ្នំពេញ) : អនុគណៈកម្មការស្រាវជ្រាវជំងឺកូវីដ១៩ នៅថ្ងៃទី២២ ខែមេសា ឆ្នាំ២០២១ បានចេញប្រកាសព័ត៌មានដល់ប្រជាពលរដ្ឋដែលធ្លាប់ទៅកុងស៊ី កាប់ជ្រូក​​ នៅថ្ងៃទី១០ និងថ្ងៃទី ២០ ខែមេសា ឆ្នាំ២០២១ មូលហេតុ៖ អ្នកជំងឺកូវីដ១៩​ បានទៅយកសាច់ជ្រូកនៅទីតាំងខាងលើ​ ហើយទីតាំងខាងលើនេះក៏មានបុគ្គលិកធ្វើការនៅទីនោះវិជ្ជមានកូវីដ១៩ផងដែរ​សូមដាក់ខ្លួនដាច់ដោយឡែកនិងតាមដានសុខភាពរបស់ខ្លួនរយៈពេល ១៤ថ្ងៃតាមវិធានសុខាភិបាលរាប់ចាប់ពីថ្ងៃដែលអ្នកបានទៅទីកន្លែងនោះនៅថ្ងៃឬក្រោយថ្ងៃអ្នកជំងឺបានទៅ។

អនុគណៈកម្មការស្រាវជ្រាវនិងតាមដានបុគ្គលសង្ស័យថាមានផ្ទុកជំងឺកូវីដ១៩បានអំពាវនាវដល់ប្រជាពលរដ្ឋធ្លាប់ទៅកុងស៊ីកាប់ជ្រូក ចាប់ពីថ្ងៃទី១០ និងថ្ងៃទី ២០ ខែមេសា​ ឆ្នាំ២០២១​ប្រសិនបើមានអាការៈមិនស្រួលខ្លួនឬលេចចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើមសូមមេត្តាប្រញាប់ទៅធ្វើតេស្តរកមេរោគកូវីដ១៩។

ទីតាំងសម្រាប់ធ្វើតេស្ដមាននៅវិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និងមន្ទីរពេទ្យបង្អែកនៅតាមបណ្តាខេត្តនានា៕